اسمي صديق محمود مواليد 1957 مهنتي فلاح
صارلي 46 سنه فلاح بعد ما تورثت هاي المهنة من والدي وأيضاً والدي تورثها من جدي من سنة 1940 هو يشتغل فلاح…
رغم اني كبير بالعمر واحس بالتعب من الفلاحة ولكن هاي مهنتي احبها كلش وعندي العمر مجرد رقم وما اكدر بدون ما اشتغل بالفلاحة مالتي لأن عندي شغف بالعمل وشغلي بالفلاحة احسن من شغل كثير شباب….
بكل سنة ازرع بأرضي سلق وفجل وكرفس وبقدونس وبصل يعني زراعتي مختصة بالورقيات بكافة أنواعها وتقريباً باليوم الواحد اشتغل ثمان ساعات واحس من اشتغل بالأرض تعطيني طاقة إيجابية واكون نشط على مدار اليوم ومن اكعد بالبيت يوم واحد اتمرض…
رسالتي لكل شاب عاطل عن العمل لازم يسعى ويدور على شغل وبصراحة اني متعجب بأي شاب عاطل عن العمل لأن الشغل موجود بالبلد….
عين_الاقليات
